AIPAMENA

PHILEAS FOGG – 2

“La vuelta al mundo en 80 días” izenez ezagutzen den pelikularen protagonistarik nagusienetarikoa Phileas Fogg da. Julio Vernek sortutako eleberrian oinarritzen den pelikula honetan noble ingeles honi erreparatu diot hasiera-hasieratik.

Izan ere, XIX. mendearen bukaerako zientzialari xelebre honek, guztiz aurrerapenen aldekoa denak, gizartea hobeto bizi izateko tresna edo tramankulu bitxiak baino bitxiagoak asmatzearren liluratu nau.

Bestalde, pelikula hasi eta berehala bere eginkizunetan oso zehatza eta metodikoa izateaz ez ezik, aparteko hizkera ere baduela ohartu naiz. Hau hizkuntza-dotoretasun hau! Berdin da norekin hitz egiten ari den. Zientzia Akademia Errealeko jaunekin edo bere gelazainarekin hizketan aritzean, ikasketa handiko hizkera erabiltzen du.  Aurrekoaz gain, Phileas Fogg umore-sen eta jendetasun gutxiko pertsona dela nabarmendu nahi dut.  Honelakoa izanda, pertsonai honek burutik jota dagoen gizon bakartiaren irudia nonahi zabaltzen du. Dena den, pelikula aurrera doan heinean, Phileasek izan duen izaeraren aldaketa atsegingarri jaso dudala aitortu nahi dut. Izan ere, oilobusti eta iheskorra izatetik izerdia ematera eraldatzen du bere nortasuna. Egia esan, aldaketa honek beste bi protagonistarekin sortutako adiskidetasunaren laguntzaz lortzen du. Honi esker, barnean duen ausardia azaleratzen zaio, lagunengatik dena galtzeko gai dela egiaztatuz. Niretzat hauxe izan da Phileas Foggen izaeraren alderdirik gogokoena.

Pertsonai honekin jakin nahiz erretzen ari bazarete, ikus ezazue pelikula ikaragarri hau. Benetan arnas estuka ibiltzeko moduko abenturak bizi izango dituzue. Ez galdu gero!

Hiztegi lana

Eman itzazue beltzaturik agertzen diren hitzen sinonimoak.

·         Eleberri:

·         Erreparatu:

·         Ohartu:

·         nabarmendu:

·         Nonahi:

·         …........ -n heinean, … :

·         atsegingarri:

·         azaleratu:

·         egiaztatu:

·         alderdirik gogokoena:

 Elkar itzazu azpimarraturiko lokuzioak beren esanahiarekin:

Izerdia eman	·      Jakin-minez josita egon
Pertsonai honekin jakin nahiz erretzen ari bazarete	·         Arnasa hartu ezinik ibili
Arnasestuka ibiltzeko	·        Jo eta su lanean aritu / Jo eta ke lanean aritu