GETXO

Getxo Kantauri itsasoak bustitzen duen udalerri turistikoa da, Bizkaiko ipar-mendebaldean kokatuta.

Gune honek abantaila ugari ditu: alde batetik, hiri batek dauzkan zerbitzu guztiak izateagatik eta, bestetik, giro lasaia topatzeko erraza baita. Gainera, bai ur kirolak, bai bizikleta gustuko dituen edonorentzat leku zoragarria da. Izan ere, kirol portua duen toki honetan bela, arrantza eta surf praktikatu ahal dira.

Beste aldetik, udalerria zeharkatzen duen aldapa gutxiko bidegorritik txirrindulariek aukera ezin hobea dute patxadaz paseatzeko. Ibiltarientzat ere toki bikaina da, Areetatik Punta Galeara doan itsas pasealekutik ibilaldi ederrak eman ahal dituztelako eta, aldi berean, Bilboko itsasadarraren beste aldea eta Abra osoa ere aztertu ahal baitituzte.

Getxon hondartza gogoko dutenek ere aukera bikaina dute erlaxatzeko. Zoritxarrez, esan beharra dago urez kargaturiko hodeiek zerua sarritan estaltzen dutela eta zaparradak ohikoak direla. Hau dela eta, euritakoa gertu izatea komenigarria da.

Bestalde, Getxon gizon-emakume guztien ondarea izendatutako monumentu ospetsua bisitatu behar da,  Bizkaiko Zubia, alegia. Hau goiko aldean begiratoki ederra duen transbordadorea da. Honetaz gain, udalerri honek antzinako aixerrota bat eta jauregi dotoreak ikusteko aukera ere badauka. Hauetatik hurbil alde handia sortzen duten Algortako Portu Zaharreko etxetxo apalak altxatzen dira, arrantzaleen xarma gordetzen dutenak. Edertasun handiko txoko honetan mailakatuta dagoen kaletik ibiltzea oso gomendagarria da, bertan pintxotara joateko ohitura mantendu delako. Are gehiago, bisitariek  atseginez dastatu ahalko dituzte sukaldariek prestatutako plater zaporetsuak, hala nola, entsaladak, piper berdeak eta hemendik hurbil arrantzatutako arrain erreak.

Bukatu aurretik, aipatzekoa da hona bertaratuz gero, Guggenheim museoa bisitatu ahal dela, metroari esker Bilbo esku eskura dago eta.

Kausazko perpausak